Maalaga na sa mga kapatid kahit noong bata pa: SYLVIA, proud na proud kay RIA sa pagiging hands-on mom kay SABINO

Published on March 1, 2025
by Peoples Balita

PROUD na proud ang premyadong aktres na si Sylvia Sanchez sa kanyang anak na si Ria Atayde na hands-on mother sa first baby nila ni Zanjoe Marudo na si Sabino.

Sa Instagram post, binahagi ni Sylvia ang photos ng mag-ina at nilagyan niya ito ng caption na…

“Even when you were little, while I was away at work, you instinctively took on the role of protector and nurturer for your siblings. Motherhood was always in you it’s who you are @Ria

“And now, seeing you step into this beautiful new chapter, my heart overflows with pride. You are radiant, more gorgeous than ever, and I know you will be an incredible mother to Sabino!

“Love you my Potpot #gandamo nak.”

Na sinagot naman ni Ria ng, “Love you Ma!”

Say naman ng sister niyang si Gela Atayde, “Ako talaga panganay niya @ria.”

Pinusuan naman ito ng netizens, celebrities at mga kaibigan.

Komento naman ng ilang netizens…

“Swerte sa pamilya ito ang masasabi ko sa kanila esp. regarding how loving, vocal and supportive they are of each other.”

“As a daughter na lumaki walang affection from my parents, ang sarap makabasa ng ganyan online. Na-sobrang vocal sila sa love nila sa anak nila. Simple gesture pero ang laki ng impact sa ibang tao.”

“Nakakatuwa ang naging love story nitong si Zanjoe at Ria. Naalala ko pa yung favorite kong My Dear Heart na series nila. Halos hindi tignan ni Zanjoe si Ria during press con dahil parang little sister/barkada lang. Then after a few years naging sila din pala. Love love!”

“Ganyan lang yung magandang caption maigsi at tamang tama lang.”

“She’s a good daughter talaga, masunurin at may galang sa magulang at nagtapos ng pagaaral. Ngayon May baby na! Sana ganyan din ang anak ko….”

***

BAGO natapos ang buwan ng puso, apat sa anim na pelikula ngayong linggo ang swak sa pamilyang Pilipino ayon sa klasipikasyon ng Movie and Television Review and Classification Board (MTRCB).

Rated G (angkop sa lahat ng edad) ang “Secret: Untold Story” at “Ive: The 1st World Tour in Cinema” na parehong galing South Korea.

Rated PG (edad 12 pababa kasama ang magulang) ang “Everything About My Wife” na pinagbibidahan ng mag-asawang Jennylyn Mercado and Dennis Trillo, at ang biographical musical drama na “A Complete Unknown,” batay sa buhay ng mang-aawit na si Bob Dylan.

“The Caretakers,” na bida sina Iza Calzado at Dimples Romana, ay rated R-13 para sa edad 13 pataas at swak sa mga mahilig sa katatakutan.

Habang ang 1922 bersyon ng American gothic horror na “Nosferatu” ay rated R-16 para sa edad 16 at pataas.

Payo ni MTRCB Chairperson at CEO Lala Sotto-Antonio sa mga magulang na maging handa sa pakikipag-usap sa mga bata tungkol sa mga eksena na posibleng makaapekto sa kanilang kaisipan.

“Aking hinihikayat ang mga magulang at nakakatanda na maging handa para liwanagin sa mga bata ang mga eksenang posibleng hindi nila maarok,” sabi ni Sotto-Antonio.

(ROHN ROMULO)