Maraming pumuri sa first attempt sa standing backflip: MIGUEL, nakasamang mag-training si CARLOS at napahanga

NATUWA ang netizens sa pinost na video ng ‘Mga Batang Riles’ star Miguel Tanfelix kunsaan nakasama niya sa training ang two-time Olympic gold medalist na si Carlos Yulo.

Sa Instagram post ng Sparkle actor, ipinakita niya ang kanyang perfect pag-backflip habang nakatayo, na isang skill sa gymnastics.

Ayon kay Miguel, nahihiya at kinakabahan siya ng gawin niya iyon sa harap mismo ng gymnast Olympian. Pero, 10 ang ibinigay na score ni Carlos sa aktor.

“Training na may konting pressure. Pang double @olympics gold na ba? Hahahaha… @c_edrielzxs,” caption ni Miguel.

Marami naman ang pumuri kay Miguel dahil sa kanyang first attempt sa standing backflip. Nagbiro pa si Drew Arellano na gusto rin nilang subukan ito ng kanyang asawang si Iya Villano, na kapapanganak lang sa kanilang 5th baby.

“Gusto namin sumali ni mrs!!! @iyavillania,” komento ng Biyahe Ni Drew host.

Magagamit ni Miguel ang ginawang backflip sa mga bardagulang eksena nila sa ‘Mga Batang Riles.’

***

IBA pala kung mag-celebrate ng kanyang kaarawan ang Kapuso singer-actress na si Zephanie Dimaranan noong nakaraang Feb. 14.

This year, nag-celebrate ang Sparkle artist ng kanyang 22nd birthday sa tutok ng Mt. Pulag, ang highest peak sa Luzon.

Ang Mt. Pulag ay matatagpuan sa triple border ng mga probinsta ng Benguet, Ifugao at Nueva Ecija na may taas na 2,928 metres (9,606 ft) above sea level.

On Instagram, pinost ni Zephanie ang photo ng popular sea of clouds na makikita sa tutok ng Mt. Pulag.

“Decided to climb the highest peak in Luzon for my 22nd. Grateful for another year,” caption pa ng singer.

Hindi ito ang unang pagkakataon na mamundok ang former ‘Idol Philippines’ winner. Noong 2024 ay inakyat nito ang Mt. Kulis in Tanay, Rizal na isang nature campsite na may panoramic views ng Sierra Madre mountain range. May taas ito na 620 meters above sea level.

Last Valentine’s Day din ang nagsimula ng YouTube shorts series na Sparkle Presents: Mine kunsaan kasama ni Zephanie ang Sparkle Teens na sina Josh Ford at Shan Vesagas.

***

WALA man napanalunan sa nakaraang Grammy Awards, hinirang naman na Biggest-Selling Global Recording Artist of the Year ng IFPI or International Federation of the Phonographic Industry si Taylor Swift.

Ito ang third year in a row na si Taylor ang napili ng IFPI and her 5th recognition.

Ayon sa IFPI: “This recognizes the top artist across physical sales, downloads and streaming, Swift is the outright No. 1 recording artist on the planet.”

Natanggap ni Swift ang parangal in 2014, 2019, 2022 and 2023. Ang iba pang nabigyan nito ay si Drake (in 2016, 2018) and BTS (2020, 2021).

Ang ‘The Tortured Poets Department’ album ni Taylor lead the IFPI’s Global Album Chart, Global Vinyl Album Chart, Global Streaming Album Chart and Global Album Sales Chart.