• October 22, 2025 WordPress timezone: Asia/Manila
    Current date: October 23, 2025
    Current time: October 23, 2025 5:47 AM

  • Ang Diyaryong Pinagkakatiwalaan

Akiko, thankful at sobrang na-touch sa ‘Buffalo Kids’: SYLVIA, nagpa-block screening para sa PWDs at kids with special needs

MEDYO may kaba kami na ikagagalit ni Sylvia Sanchez ang isinulat naming ito pero bahala na, it’s worth it naman.
Para sa amin kasi, ang isang magandang gawain ay hindi dapat itinatago, pero si Sylvia kasi, hindi matakaw sa atensyon at publicity.
Tuwing magkakasama nga kami ni Sylvia at iba pa niyang kaibigang press people at may isang bagay siyang naikuwento, isa ang madalas bukambibig ng actress/producer, “Off the record!!!”
At tulad ng alam nating lahat, palabas ngayon sa mga sinehan ang pelikula ng Nathan Studios (na pag-aari nina Sylvia), ang heartwarming cartoon movie na “Buffalo Kids”.
At si Sylvia pala, ay kung ilang beses nagpa-block screening ng “Buffalo Kids” para sa mga PWD o “persons with disability” at kids with special needs.
Pero hindi siya nag-iimbita ng mga press people, maging kami ay hindi niya sinasabihan.
Iyon ay sa dahilang ayaw niyang ipasulat iyon, ayaw niyang ipangalandakan dahil baka may marurumi ang isip na pagbintangang ginagamit niya ang mga PWD.
Isa lamang ang intensyon niya; dahil sa ganda ng “Buffalo Kids” ay gusto niyang mapanood ng marami, maging ng mga PWD ang pelikula.
Kaya naman kahit siya ang gumastos, basta makapanood ng libre ang mga ito, ang mga PWD, ng “Buffalo Kids.”
Pero iyon na nga, kahit nais ni Sylvia na huwag ipangalandakan ang mga block screenings na “regalo” niya sa ilang mga espesyal na panauhin, nalalaman rin ng marami dahil ang mga ito ang nagpo-post ng mga pasasalamat sa aktres, e hindi naman niya kayang pigilan ang kapangyarihan ng social media, hindi ba?
Humahaplos sa puso ang Instagram post ni Akiko Thomson-Guevara na isang dating Pilipinang champion swimmer at “most accomplished Filipina swimmer in the Southeast Asian Games having won eight gold medals in the biennial multi-sport meet between 1987 and 1993.”
“What a lovely, lovely afternoon watching Buffalo Kids with our @specialolympicspilipinas family. Thanks to tita Sylvia Atayde for bringing in the movie and sharing it with our athletes as a beautiful reminder of their (and all of our) value and worth. Do catch it, a beautiful message the entire family will appreciate!💗💗💗 But wait, there’s more! Abangan!! 😉
Si Akiko ang Chairperson at Presidente ng Special Olympics Pilipinas na isang “global non-government organization for people with intellectual disabilities. Established in 1968 in Chicago, Illinois. Present in 200 countries”.
Kasama ni Akiko ang mga espesyal na mga atleta ng SOP na nanood ng “Buffalo Kids” at ito naman ang nasa post sa IG account ng Special Olympics Pilipinas.
“A heartfelt thank you to the Atayde Family and Nathan Studios for hosting the free movie screening for the SOP Community last February 16 at Gateway Mall! 🤗
Your generosity brings joy and inclusion to everyone in our community. Together, we create a brighter, more inclusive world for all. 🎬❤️‍🔥
Ibang klase ang kabutihan ng puso ni Sylvia; sa pagkakaalam namin, ngayon lamang nagkaroon ng block screening ng isang pelikula kung saan mga persons with disability ang mga panauhing pandangal.
(ROMMEL L. GONZALES)