Pagdami ng fake FB accounts, ‘very unusual’: NPC chief

Sinabi ng National Privacy Commission (NPC) na mapanganib ang umano’y proliferation ng mga pekeng Facebook account lalo pa at ginagamit ito ng walang awtorisasyon.

Sa panayam, sinabi ni NPC Commissioner Raymund Liboro na “very unusual” ang nangyaring ito.

“Sa karanasan ng NPC, unusual ‘to. ‘Yung mga impostor account, dummy account, ‘yan ay bahagi na ng buhay sa loob ng Facebook. Pero ‘yung ganitong bugso ng mga reports, very unusual,” lahad ni Liboro.

“Kapag may mga fake o hindi awtorisadong mga accounts na lumalabas sa social medIa, may panganib na magagamit ‘yan na hindi awtorisado,” babala pa nito.

Asked about the possibility of utilizing the fake account to plant evidence against a person, Liboro said the NPC has not encountered a case like this yet. “Kung gagamitin ito, tatamnan ng ebidensya, wala pa tayong nakikitang ganung kaso.”

Panatag naman si Liboro na prayoridad ang isyung ito sa Facebook.