Kasama pa ang tatlong Pinay na kinunan ni Mark Nicdao: Photos nina KC at IZA, bahagi na ngayon ng Getty Museum sa Los Angeles

Published on January 25, 2025
by Peoples Balita

BAHAGI na ngayon ang larawan ni KC Concepcion na kinunan ng Filipino lensman na si Mark Nicdao sa mga gawa ng photographer na nakalista sa website ng Getty Museum ng Los Angeles.

Bukod kay KC, kasama rin ang mga larawan ng supermodel na si Jo Ann Bitagcol, aktres na si Iza Calzado at dating aktres-host na si Nancy Castiliogne at gender equality activist na si Queenmelo Esguerra.

Higit pang mga detalye tungkol sa mga larawan ni Nicdao, na may petsang 2008 at 2012, ay nakalista sa website. Bawat isa sa mga larawan na nagtatampok sa mga sikat na Filipino celebrity ay may mga paglalarawan sa mga detalye ng damit at kanilang mga designer.

Ang Getty Museum ay kilala sa koleksyon nito ng mga pre-20th century European paintings, drawings, illuminated manuscripts, sculpture, decorative arts at mga litrato mula sa buong mundo.

“Thank you, Getty Museum!” Ayon kay Nicdao sa kanyang Instagram post.

“Celebration coming soon! Life is amazing.”

“Salamat, Mark! Praise God for your talent and brilliance! Thank you for lifting us up with you! So proud! Mabuhay ka!” Say naman ni Iza.

“This is a triumph of Filipino creativity and culture! Thank you Mark for your genius!” Komento naman ni Esguerra.

Sa separate post naman ni KC sa kanyang Instagram account, honored siya na maging part of ng milestone ni Nicdao.

Pahayag niya, “Mark and I have been through so many creative adventures, and seeing his extraordinary talent celebrated at this level is so inspiring. Being part of this milestone in his journey makes it so much more meaningful!”

“Mark, I’m so proud of you and so grateful to be part of your moment. Here’s to timeless art, enduring friendships, and the magic that comes from chasing dreams. Marky, here’s to many more pursuits together. Always your biggest fan,” dagdag pa niya. (ROHN ROMULO)