Matapos na umalma ang KimPau fans sa binagong playdate: Inaabangang movie nina KIM at PAULO, sa March 26 na mapapanood

SA isyung pag-unfollow ng dalawang sikat na Kapamilya stars na sina Kim Chiu at Paulo Avelino aa social platforms ng Star Cinema ay sinasabing naimpluwensiyahan daw ng huli ang una.

Kumbaga dahil sa kabaitan daw ni Kim ay hindi raw magawa ng aktres na i-unfollow ang isang film production na malaki rin naman ang naging ambag sa kung anuman ang kasikatan na ngayon ng isang Kim Chiu.

Kaya naman may nagkomento na very obvious na nagmalasakit sa Star Cinema na maaring naimpluwensahan si Kim ni Paulo.

Tahimik pa rin naman ang mga taga-Star Cinema pero maingay sa social media ang fans nina Kim at Paulo, dahil sa pag-unfollow nina Paulo Avelino and Kim Chiu sa social media platforms ng nasabing production company.

Ayon sa isa sa nakausap naming miyembro ng KimPau ay sila raw ang mag-iingay para maipagtanggol ang mga idolong sina Kim at Paulo.

Nag-umpisa lang naman ang isyu nang mag-tweet si Paulo ng “Ma-experience nga na hindi tumapos ng pelikula.”

Ito ay matapos maglabas ng teaser ang SM Cinemas na sa April pa raw ang showing ng pelikula nilang ‘My Love Will Make You Disappear’.

Nauna na kasing lumabas ang press releases na pang Valentine presentation ang movie na pagsasamahan ng KimPau.

Bukod sa trending ang Star Cinema, trending din ang ‘Kim deserves respect.’

Sentimyento ng fans, ba’t ganun, hindi sila (KimPau) aware na may ganung pangyayari samantalang minadali raw ito ng kanilang idolo.

May nabasa naman kaming comment ng isang tagahanga na malamang daw na kailangan pang ayusin ang pelikula at baka raw nung pinanood ng mga bossing ng Star Cinema ay nakulangan ay hindi sila nagandahan at need pang dagdagan at iretoke ang nasabing pelikula.

Bakit naman kasing may mag-unfollow agad? Mas mainam na upuan at pag uusapan nila muna di ba?

O baka naman bahagi ito ng promo para umingay ang movie?

Anyway, naglabas na ang official statement ang Star Cinema na sa March 26 na ipalalabas ang ‘My Love Will Make You Disappear’.

***

ISANG mahigpit na pagbati sa bagong pamunuan ng PMPC Star Awards Inc. sa pamumuno ni president-elect Mell T. Navarro.

Siyempre kasabay din ng pasasalamat namin sa ibinigay muli na pagkakataon sa amin  sa.pagkakataong  ng mga kapatid ko sa club upang mahalal muli  bilang secretary ng the oldest showbiz media organization.

Thank you my dear Sto. Niño de Tondo, Sta. Marta for all the blessings.

Samantala ang iba pang nahalal na officers ay sina Fernando de Guzman  (Vice President), Mildred Bacud (Asst. Secretary), Boy Romero (Treasurer), John Fontanilla (Asst. Treas), Rodel Fernando  (Auditor), Eric Borromeo (PRO–English), Blessie Cirera (PRO-Pilipino) at ang mga maglilingkod namang Board of Directors ay sina Roldan Castro, Rommel Placente, Rommel Gonzales, Ma. Leonila Garcia, Evelyn Diao, at Francis Simeon.