PBBM, isinapubliko ang plano sa Pasko

SINABI na ni Pangulong Ferdinand Marcos Jr., ang plano nito sa darating na Pasko.

Sa katunayan, magdiriwang ang First Family ng Noche Buena sa Malakanyang at kagyat na pupunta sa Ilocos Norte at Baguio City, kinabukasan, mismong araw ng Pasko.

“Well, the only usual na ano namin — Christmas eve sa Malacañang, sa Palace. At siguro ang — on Christmas day aakyat ako ng north, go up north. Spend holiday, maybe up north, babalik ako ng Maynila. Depende, very flexible naman ang schedule ko kasi hindi ko maaaring sabihin na hindi aalis. Aalis ako kasi there — you know, baka may mangyari, baka may — kailangan ako, whatever it is I’m always available. But siyempre lahat tayo we could use a little break. So, I will use the time… Ang dami kong libro na hindi pa nababasa. So, babasahin ko silang lahat pagka — habang bakasyon,” ang litaniya ng Pangulo.

“On Christmas Day I will be in Manila but I will go to Baguio. But after that, we haven’t really decided sa family. Lahat busy e,” ang pahayag pa rin ng Chief Executive.

Sa kabilang dako, inamin nito na mahirap nang hilahin ang kanyang mga anak dahil marami ng plano ang mga ito.
“Yung mga anak ko ang hirap hilahin. Meron silang, marami silang mga pinaplano. Maybe the First Lady and I will spend a little quality time together,” ayon sa Punong Ehekutibo.

Samantala, matapos ang Kapaskuhan ay balik-trabaho na agad ang Pangulo. Iyon ay dahil wala siyang ‘off days.’

“I don’t have off days. Hindi ako kasama dyan. Hindi kami kasama sa bakasyon, sa holiday, sa weekend, hindi kami kasama dyan. We are always on call,” ang sinabi ni Pangulong Marcos. (Daris Jose)