Pagreserba ng isang tao sa public parking space, ipagbabawal

Ayon sa mambabatas, isa sa mga kinakaharap ng mga pinoy ang lumalaking bilang ng kakulangan sa parking space kasabay na rin sa pagdami ng sasakyan.

Noong 2018, napa-ulat na ang vehicle density sa Metro Manila ay nasa 1,895 sasakyan per kilometer of road, kumpara sa Singapore na 230 sasakyan kada kilometer of road.

Noong 2017, sa pag-aaral na kinomisyon ng Uber, nabatid na ang Metro Manila ay nangangailangan ng carpark na doble ang laki sa Makati City upang ma-accommodate ang lahat ng sasakyang bumibiyahe sa kalsada dito.

Dahil sa kakulangan ng mapaparadahan, may mga pagkakataon na ilang indibidwal ang tatayo, ookupa, magrereserba o haharang sa isang parking spcae upang hintaying makapagparada ang kanilang sasakyan at maharangan ang iba na magamit ito.

Hindi na aniya nasusunod ang prinsipyong first come- first served basis bukod pa sa maglalagay sa panganib sa indibiwal na tatayo para hadlangan ang ibang sasakyan na makaparada sa parking space.

Sa panukala, ipinagbabawal ang physical occupation ng parking space na may multang P2,000 sa unang opensa; P5,000 at suspension ng driver’s license sa loob ng 6 na buwan sa ikalawang paglabag at P10,000 at revocation ng driver’s license sa ikatlong paglabag.

Ang mga private establishments ay dapat magpatupad ng kanilang sariling polisiya sa pagpapatupad ng parusa o multa.

Habang ang LTO naman ang siyang mayroong administrative jurisdiction sa mga paglabag. (Vina de Guzman)