PH crime rate mula quarantine, bumagsak sa 51%

Bumagsak sa 51% ang crime rate sa Pilipinas buhat nang umiral ang community quarantine measure sa bansa, batay kay Defense Secretary Delfin Lorenzana.

Sa datos ng Philippine National Police (PNP), 10,145 krimen lamang ang naitala mula March 17 hanggang July 20 kumpara sa 20,575 krimeng naiulat noong Nov. 17, 2019 hanggang March 16, 2020.

“Rule of law (is) strengthened, pinalakas natin ang pananaig sa batas ng ating bansa. Napanatili ng ating kapulisan ang kapayapaan at kaligtasan ng ating mga pamayanan. Bumaba ang bilang ng krimen, napabilis ang pagresolba sa mga ito at napaigting ang kampanya laban sa iligal na droga,” paliwanag ni Lorenzana.

Nakatuon ang mga krimen sa murder, homicide, physical injury, rape, robbery, theft, car theft, at motorcycle theft.

Samantala, nauna na ngang sinabi ni Interior Secretary Eduardo Año na hindi dapat makampante ang PNP sa pagbaba ng krimen. (Gene Adsuara)