Kopya ng disbarment hindi pa natatanggap ng IBP
- Published on September 30, 2024
- by @peoplesbalita
WALA pang natatanggap na kopya ang Integrated Bar of the Philippines sa disbarment case na isinampa ni Atty. Melvin Matibag laban kay dating Presidential Spokesman Sec. Harry Roque.
Ayon kay Atty. Antonio Pido, National President ng IBP, ang disbarment case laban kay Atty.Roque ay sa media organizations lamang niya narinig .
Karinawan umanong binibigyan ng Supreme Court ng kopya ng disbarment complaint ang IBP at nagsasagawa sila ng sarili nilang imbestigasyon.
Sa kaso ni Roque, kahapon pa lamang inihain ni Matibag sa Korte Suprema ang disbarment case para matanggalan ng lisensya bilang abogado dahil sa pagpost niya sa social media ng mga unverified information tungkol sa pag-uugnay niya kay Pang. Bongbong Marcos Jr sa white substance issue. GENE ADSUARA