Pinas, tinuligsa ang nagpapatuloy na paglulunsad ng ballistic missile ng NoKor
- Published on September 28, 2024
- by @peoplesbalita
TINULIGSA ng gobyerno ng Pilipinas ang nagpapatuloy na paglulunsad ng ballistic missile ng North Korea.
Sa katunayan, inilarawan ng Department of Foreign Affairs (DFA) ang nasabing pagkilos bilang “a provocation that undermines regional peace and stability.”
Dahil dito, nanawagan ang DFA sa North Korea na “immediately cease” ang ganitong mga aktibidad at mangyaring sumunod sa lahat ng international obligations, kabilang na ang kaugnay sa United Nations Security Council resolutions.
Hinikayat din ng DFA ang Pyongyang na mag-commit sa mapayapa at nakapagbibigay-linaw na dayalogo.
“The Philippines expresses serious concern and strongly denounces the continuing ballistic missile launches conducted by the Democratic People’s Republic of Korea (DPRK),” ayon sa DFA.
“Such provocative actions undermine economic progress, peace, and stability in the Korean Peninsula and the Indo-Pacific region,” ang sinabi pa rin ng DFA.
Tinuran pa ng departamento na nais ng Maynila na makita ang pangmatagalang kapayapaan sa Peninsula at nanawagan para sa isang “complete, verifiable, and irreversible denuclearization” ng DPRK.
Sa ulat, nagpaputok ang North Korea ng multiple short-range ballistic missiles noong nakaraang linggo. Ito ang ulat ng South Korean government na hindi naman sinabi ang kung saan ito bumagsak.
“The launches come as North Korea ramps up its nuclear weapons program and days after it unveiled its uranium enrichment facility,” ayon sa ulat. (Daris Jose)