Ancajas wagi matapos ma-disqualified ang nakalabang Thai boxer

NAGWAGI sa kanyang comeback fight si Jerwin Ancajas matapos na ma-disqualified ang kalaban nitong si Sukpraserd Ponpitak ng Thailand.

Itinigil na kasi ng referee sa ikalimang round sa loob ng 2:34 ng itulak ni Pontipak si Ancajas sa laban na ginanap sa lungsod ng Mandaluyong

Sa mga unang round kasi ay binalaan na ng referee ang Thai boxer subalit hindi ito nakinig kaya pinatigil ang laban.

Binawasan na ng puntos ang 36-anyos na si Pontipak at ito na ring ika-20 pagkatalo sa kaniyang karera.

Mula sa simula ay naging agresibo na si Ancajas kung saan pinabagsak niya ang beteranong si Pontipak.

Mayroon ng 35 panalo apat na talo at dalawang draw na may 23 knockouts si Ancajas.

Ito ang unang panalo niya matapos ang pitong buwan ng talunin siya ni Takuma Inoue sa Japan.