Pinupuri ang pagganap bilang guro sa ‘Balota’… MARIAN, ‘di lang palaban sa takilya pati na rin sa pag-arte
- Published on July 26, 2024
- by @peoplesbalita
MUKHANG panalo ang CineMalaya entry na “Balota” na pinagbibidahan ni Takilya Queen Marian Rivera.Base sa ipinalabas na trailer ng nabanggit na movie ay walang dudang may laban na naman si Marian, hindi lang sa box-office kundi pati na rin sa acting derby.
Umani agad ng mga magagandang reviews ang movie na ito ng Kapuso Primetime Queen. Kaliwa’t kanan ang mga papuri sa kanya na mula sa netizens.
Sa Facebook page naman ni Marian ay na-upload ang ilan sa mga eksena kung saan ay umakyat siya sa mataas na puno.
Sey nga ng aktres tungkol sa eksena, “Kinabahan ako ng sobra pero kinaya…”
Ipinakita rin kung paanong ‘buwis-buhay’ ang nagagawa ng isang guro tuwing eleksyon.
Sa kabila ng lahat ng mabibigat na eksena ay ibinahagi naman ng Kapuso actress na malaking tulong na ginabayan siya ni Direk Kip Oebanda sa buong pelikula.
“Masasabi ko siguro na naging madali para sa akin hubugin ang character ni Teacher Emmy dahil napakagaan kausap ni Direk.
“Kumbaga, hinuhulma niya sa akin sino si Teacher Emmy. So, hindi mahirap na pasukin ang character na yun,” lahad pa ng magandang aktres.
Samantala, napakaganda ni Marian sa awards night ng 40th PMPC Star Awards for Movies na ipalalabas na this Sunday sa A2Z channel.
***
MUKHANG mainit ang labanan sa pagiging alkalde ng siyudad ng Maynila
Nagdeklara na si Isko Moreno at sigurado na raw ang muling pagtakbo bilang Mayor ng Maynila.
Pinatawag na nga ni Yorme ang lahat ng chairman, kagawad, secretary, treasurer at maging yung XO ng bawat baranggay. Naging saksı ang mga ito sa pagdeklara ni Isko sa kanyang intensiyon.
Mukhang hindi rin nagtagumpay si Mayor Honey Lacuna na kumbinsihin si Yorme na pagbigyan muna siya para sa isa pang termino.
Kaya ayon desidido ba rin si Mayora Honey na banggain si Isko this coming 2025 Elections.
Pero sa totoo lang, bukod sa kanilang ay sigurado rin pa lang tumakbo para maging susunod na Mayor ng Maynila sina Naida Angping at Alex Lopez.
But wait, mukhang hahabol daw at pumuporma na rin daw si Senator Imee Marcos.
May mga umuudyok daw sa senadora na tapatan si Yorme Isko.