Sa direksyon ni Zig Dulay na naghatid ng ‘Firefly’: DENNIS, balik-MMFF din at bibida sa ‘Green Bones’ kasama si SOFIA
- Published on July 18, 2024
- by @peoplesbalita
MMFF-bound muli ang GMA Network ngayong taon dahil kasama sa unang batch ng finalists sa Metro Manila Film Festival 2024 ang upcoming film ng GMA Pictures at GMA Public Affairs na “Green Bones.”Isa ang “Green Bones” sa mga inanunsyo nitong July 16 na kasama sa mga magtutunggali sa 50th year ng MMFF. Pagbibidahan ito nina Kapuso Drama King Dennis Trillo at Kapuso young actress na si Sofia Pablo.
Ito ay sa direksyon ni Zig Dulay na siya ring nasa likod ng Best Picture “Firefly” na mula rin sa GMA Pictures at GMA Public Affairs.
Ang screenplay ng “Green Bones” ay mula kay National Artist Ricky Lee at MMFF 2023 Best Screenplay winner at GMA Public Affairs Senior Asst. Vice President Anj Atienza. Ang kuwento ay mula naman sa GMA Public Affairs Senior Program Manager na si JC Rubio.
Matatandaang umani ng papuri mula sa mga moviegoer at nag-uwi ng mga award sa loob at labas ng bansa ang “Firefly.”
(RUEL J. MENDOZA)