Jobless Pinoy umakyat sa 2 milyon noong Marso 2024
- Published on May 10, 2024
- by @peoplesbalita
BAHAGYANGÂ tumaas ang bilang ng mga Filipino na walang trabaho sa bansa nitong Marso, batay sa pinakahuling labor force participation survey na ginawa ng Philippine Statistics Authority (PSA).Ayon sa PSA, naitala sa 3.9% ang unemployment rate o katumbas ng 2 milyong Pilipino na walang trabaho noong nagdaang Marso.
Mas mataas ito sa 3.5% unemployment rate noong Pebrero pero mababa naman kung ikukumpara sa 4.7% na naitala ng kaparehong buwan noong 2023.
Kasunod nito, nasa 96.1% ang employment rate o katumbas naman ng 49.15 milyong Pinoy na may trabaho sa bansa.
Samantala, mula sa 12.4% ay bumaba sa 11% ang underemployment rate o bilang ng mga manggagawang hindi napapasweldo ng sapat at nasa trabahong hindi angkop sa kanilang kakayahan.