Pinoy na nakakaranas ng gutom, dumami!

DUMAMI ang bilang ng mga pamilyang Pinoy na nagugutom, batay sa latest Social Weather Station (SWS) survey.

Ito ay makaraang makapagtala ng 12.6 percent na bilang ng pamilya na nagsabing dumaranas ng involuntary hunger o pagkagutom subalit walang makain kahit isang beses sa nakalipas na tatlong buwan.

Ang naturang percentage ng involuntary hunger rate noong Disyembre ay mas mataas sa 9.8% noong September 2023.

Sa nakalipas na tatlong buwan, iniulat ng SWS na ang insidente ng pagkagutom ay umakyat ng 5.3 puntos sa Mindanao, 4.0 sa Balance Luzon, at 2.6 sa Visayas samantalang 4.6 sa Metro Manila.

Ang Total Hunger rate ay tumaaas naman sa mga Self-Rated Poor participants na mula 7.7% noong Set­yembre 2023 ay naging 20.1% noong December 2023.

Ang Total Hunger rate sa Non-Poor ay bumaba sa 5.9% noong December 2023 mula sa 10.4% noong September 2023.

Ang survey ay ginawa noong December 2023 sa 1,200 adult Filipinos.