Financial support kailangan ng PH table tennig team para makapag-training na uli – president

Suliranin ngayon ng Philippine Table Tennis Team ang aspetong pinansyal upang maipagpatuloy ang pag-eensayo para paghandaan ang mga nakatakdang tournaments.

Sa panayam kay Philippine Table Tennis Federation president Ting Ledesma, nais niyang tipunin ang mga atleta sa isang training bubble ngunit hindi ito madali lalo at pahirapan ang paghahanap ng sponsor na siyang gagastos sa venue ng kanilang training at sa araw-araw na pagkain.

Ayon din kay Ledesma, malaki ang pasasalamat niya sa kasalukuyang President and CEO ng Florete Land na si Rogelio Florete Jr dahil nakatulong ito na maging parte siya ng national team noon.