5 high ranking PNP officials binalasa

LIMANG high ranking officers ang inilipat ng puwesto ni Philippine National Police chief Gen. Benjamin Acorda, Jr., bilang bahagi ng reorganization ng PNP.

Batay sa order ni Acorda, na may petsang Nobyembre 17, itinalaga si dating PNP Director for Information and Communication Technology Management (DICTM) Maj. Gen. Bernard Banac bilang bagong Director ng Special Action Force (SAF) kapalit ni Maj. General Rudolph Dimas na mapupunta naman sa kanyang bagong puwesto bilang hepe ng Directorate for Plans (DPL).

Malilipat naman si dating DPL chief Brig. Gen. Neil Alinsañgan, sa DICTM habang ipupuwesto si dating Police Community Affairs and Development Group (PCADG) director Brig. Gen Lou Evangelista, bilang bagong Police Regional Office (PRO) 1 Director kapalit ni Brig Gen. John Chua.

Itinalaga naman si PCol. Restituto Arcanghel bilang PCDAG Director at si Chua ang bagong itatalagang Area Police Command (APC) sa Visayas.

Nauna ng sinabi ni Acorda na wala umano siyang plano na magsagawa ng malawakang balasahan mula ng maupo siya sa puwesto. Kailangan lamang ang balasahan kung may mga bakanteng posis­yon dahil sa pagreretiro ng ilang opisyal.

Si Acorda ay nakatakdang magretiro sa unang Linggo ng Dis­yembre ngayong taon sa pagsapit ng kanyang retirement age na 56. (Gene Adsuara)