PBBM, aprubado ang national innovation agenda

INAPRUBAHAN ni Pangulong  Ferdinand Marcos Jr., chairman  National Innovation Council (NIC), ang  National Innovation Agenda and Strategy Document (NIASD) 2023-2032.

Sa isang kalatas, sinabi ng Presidential Communications Office (PCO) na NIASD 2023-2032 ang babalangkas sa plano ng bansa para pagbutihin ang innovation governance at  ang pagtatatag ng  dynamic innovation ecosystem.

Ang Malakanyang, sa isinagawang  5th NIC meeting,  ipinresenta ng National Economic and Development Authority (NEDA) Undersecretary for Policy and Planning Rosemarie Edillon ang “rationale at features” ng NIASD.

“The future, even the near future, is expected to be volatile, uncertain, complex, and ambiguous. Developing a dynamic innovation ecosystem is critical to achieving our AmBisyon Natin 2040 of a matatag, maginhawa at panatag na buhay for all Filipinos,” ayon kay Edillon.

“The NIASD characterizes a dynamic innovation ecosystem as one that fosters a pervasive culture of innovation driven by market demands,” ayon sa PCO.

Pinabilis din ng estratehiya ang kolaborasyon sa pamamagitan ng “active, reliable, at useful platforms,” at nagbigay ng  “innovation actors with the necessary facilities and resources to transform their ideas into innovative products and services.”

Idagdag pa rito,  kinonekta ang  innovator-entrepreneur sa potential investors at funders.

Para naman kay  NEDA Secretary Arsenio Balisacan, vice-chairman ng  NIC, ang pagtatatag ng   dynamic innovation ecosystem ay isa sa anim na cross-cutting strategies sa transformation agenda na kinilala ng  Philippine Development Plan (PDP) 2023-2028 para makamit ang “prosperous, inclusive, at resilient society.”

“Chapter 8 of the PDP elaborates on this strategy by situating it within the continuum of research and development, innovation, technology adoption, then commercialization” ayon kay Balisacan.

Ang  NIC ay may 25-member policy advisory body na binubuo ng 16 department secretaries at 7 executive members mula sa pribadong sektor. (Daris Jose)