Marcos dadalo sa coronation ni King Charles III

DADALO  si Pangulong Ferdinand “Bongbong” Marcos Jr. sa coronation ni King Charles III sa Mayo.

Ayon kay Ambassador Teodoro Locsin Jr., ang koronasyon ni King Charles at Queen Consort Camilla ay gaganapin sa Westminster Abbey sa Mayo 6, 2023 na pamumunuan ni Archbishop of Canterbury Justin Welby.

Sinabi ni Locsin na si King Charles at si Marcos ay nagkakilala dahil dati na silang magkasama sa paglalaro ng polo.

Hindi naman makakadalo si Ambassador Locsin sa coronation sa Westminster Abbey dahil ang imbitasyon ay sa mga presidente at kanilang mga asawa lamang kahit na may hurisdiksyon siya sa Republic of Ireland, The Isle of Man, Bailiwick of Jersey at Bailwick of Guernsey. (Daris Jose)