Gobyerno, target ang 300,000 ektaryang lupain na mapagkalooban ng irigasyon sa termino ni PBBM

TINATAYANG 300,000 ektarya ang nais abutin ng National Irrigation Administration (NIA) na mabiyayaan ng irigasyon na lupain sa buong termino ng administrasyong Marcos.

Sa Laging Handa Public briefing, sinabi ni NIA Administrator Engineer Eduardo Guillen na kayang makamit ang target na 300,000 ektarya at ang kailangan lang ay partnership.

Ani Guillen, dito na papasok ang Public Private Partnership (PPP) na aniya’y makapagpapa- fast track o makapagpapabilis sa inaasam asam na lawak ng lupaing mabigyan ng irigasyon.

Ani Guillen, nasa 20,000 ektarya lamang kada taon ang nagagawang i- turn over at nais nilang lampasan ito sa ilalim ng kasalukuyang administrasyon.

Para kay Guillen, ang PPP ang nakikita nilang makaka- ambag sa pagkakamit na 300 ektarya ng lupaing makikinabang sa irigasyon na siya namang ipinupursige ng administrasyong Marcos sa mga infrastructure projects nito. (Daris Jose)