2 INARESTO SA PROSTITUSYON, 9 NA KABABAIHAN, NI-RESCUE NG NBI

INARESTO ng National Bureau of Investigation-Cybercrime Division  (NBI-CCD) sa General Mariano Alvarez, Cavite  ang dalawang indibidwal na nag-aalok ng sex workers  sa dalawang kababaihan sa pamamagitan ng social media  

Kinilala ang mga naaresto na si Rodel Miranda y Canoy, alias Gigzo at Jesus Manuel Genio y Bustamante, alias, Buboy.

Nag-ugat ang pagkakaaresto sa dalawa mula  sa  isang confidential informant sa isang social media account na GIGZO ANAP REYES (Gigzo)  na sangkot ang mga ito sa human trafficking ng mga kabataan at nakatatanda. dahilan upang magsagawa ng surveillance ang NBI-CCD kung saan nadiskubre na ang nasabing social account  ay nagpo-post ng mga litrato ng kababaihan at nag-aalok ng sexual services.

Sa pamamagitan ng isang undercover agent, nakipag-ugnayan ito sa Gigzo gamit ang social media account hinggil sa serbisyo na inaalok nila.

Noong March 6, dinala ni Gigzo ang mga babae sa isang apartelle sa GMA, Cavite na nagresulta sa kanyang pagkakaaresto kabilang ang kanyang kasama  matapos tanggapin ang bayad.

Sa pagkakaaresto sa dalawang suspek, na-rescue din ng NBI ang siyam na kababaihan na ngayon ay nasa kustodiya ng DSWD Social Workers.

Kasong paglabag sa R.A. 9208, in relation to R.A. 10175 ang isinampa laban sa kanila. GENE ADSUARA