2 MIYEMBRO NG CRIME RING NA SANGKOT SA LUFFY CASE, PINA-DEPORT

DALAWA sa hinihinalang miyembro ng crime ring sa  bayolenteng pagnanakaw sa Japan ay pina-deport na nitong Martes.

Ayon kay Immigration Commissioner Norman Tansingco, sina Fujita Toshiya at Imamura Kiyoto, kapwa 38-anyos ay pinaalis na ng bansa na nasa maximum security  sakay ng Japan Airlines patungong Tokyo.

Sina Fujita at Imamura ay mga pugante ng Japanese government dahil sa warrant of arrest na na-isyu sa kanila.

Si Fujita ay naaresto ng BI Fugitive Search Unit sa  Barangay Anilao Proper sa Mabini Batangas noong February 21, 2021, at binasagan ng Japanese authorities bilang senior member ng isang/organized fraud group, phone scam at isang arrest warrant ay naka-isyu sa kanya sa Tokyo.

Si Imamura naman ay inaresto pagkatapos nang Christmas noong 2019 nang tinangka nitong umalis ng umalis sa Ninoy Aquino International Airport Terminal 3, via  Cebu Pacific flight patungong Macau.Siya ay may nakabinbin na warrant of arrest  sa kanilang bansa dahil sa pagnanakaw.

Ang dalawa ay nahaharap sa kaso sa Pilipinas subalit ito ay na-dismissed.

Pina-deport ang dalawa  dahil sa paglabag bilang mga pugante at “risk to public interest”.

“While the identity of “Luffy” is not yet confirmed, we are working with the Department of Justice and the Japanese authorities to be able to expedite the deportation to give more clarity to this case,” ani Tansingco.

“The arrest and deportation of these fugitives is a huge win for the Philippine government, as we will not rest until these international criminals are sent back and banned from our country,” dagdag pa ni  Tansingco.GENE ADSUARA