‘Yakapin nyo naman nanay nyo para sa akin’: BEA, sobrang grateful na i-share ang bonding moment with her mom

MULA sa kanyang Beati Firma farm sa Zambales kunsaan, naka-base na ang ina niya at siyang nangangalaga ng kanyang napakalaki at napakagandang farm, kasama ni Bea ngayon sa Madrid, Spain ang Mommy Mary Anne Ronollo niya.

Bukod sa mommy ni Bea, kasama rin nilang nagbabakasyon ang asawa ng kanyang ina.  At base sa mga pictures na ipinost ni Bea at sa kanyang caption, walang-duda na masasaya silang lahat ngayon sa kanilang bakasyon.

Natuwa rin daw ang mommy ni Bea sa nabili niyang apartment at marami na raw plano kung paano ito aayusan.

“I was finally able to show my mom our apartment in Madrid and she was so happy!  Ang dami nya nang plano on how to fix the place.  I am so grateful I get to share this moment with my mom.  Pangarap ko lang to eh. Yakapin nyo naman nanay nyo para sa akin.”

Natatandaan pa namin sa isang vlog ni Bea kunsaan, nag-i-scout pa lang siya ng apartment, isa sa kinokonsider niya ay ang hindi mahihirapan ang ina sa pag-akyat dahil sa disability nito.

Mabait na anak talaga si Bea.

***

NAHINGAN din ng komento o pahayag ang Kapuso Primetime King at Presidente ng Aktor sa pinag-uusapang pagba-ban daw ng mga k-drama o other foreign program sa bansa.

Naglabas na lang si Dingdong ng kanyang official statement tungkol sa usaping ito nang makausap ng ilang media sa naging renewal of contract niya bilang Ambassador ng MESA restaurant.

Ayon kay Dingdong, “My wife loves K drama

We have made some K-drama together in GMA

We met in a Mexicanovela remake

I recently did a K drama remake both in TV and film.

“I understand that with digitalization, the stage for film and TV artists have instantly gone global. It is inevitable to compare. 

“But I have faith in the Filipino talent. I have belief in the capacity of our local talent that if given the proper tools— malayo ang mararating pa natin. 

“I agree will Cong. Salceda that we should take inspiration from the economic framework of their entertainment industry without copying the creative output. They are doing a whole of country approach in supporting the arts, and that’s something that we can also do. 

“Let’s begin by empowering producers by giving tax breaks. Let start by strengthening Govt agencies which are under the helm of the industry. Let’s continue empowering our local artists, because truly— pang world class ang talento natin.”

“But let’s begin by having faith in our own, by loving our own as well.

***

INILUNSAD na bagong artist ng Merlion Events Production, Inc. at ng Tyronne Escalante Artist Management ang bagong Pop singer na as early as now ay binabansagan na bilang ‘Triple Threat Star’ dahil sa kakayahan nito bilang songwriter, singer at dancer na si Tera.

Nakausap pa namin si Tera after ng bonggang launching niya at ayon dito, kung 200 songs lang ay meron na raw siyang composition na nasa cellphone niya.

Bata pa lang ay alam na raw niyang ang pangarap at gusto niya talaga ay maging isang singer. Masuwerte si Tera dahil buong-buo ang suporta sa kanya ng mga magulang through their Merlion Events Productions.

At sabi nga niya, “I understand that when people hear my background, they will think na ay privilege siya, mayaman siya. But, I wouldn’t be here if it’s not for my talent and my hardwork.”

Ang self-composed niyang “Higher Dosage” ang unang single ni Tera at when asked kung sino ang dream niyang makasama o maging leading man, sakali man na pasukin niya rin ang acting, mabilis ang sagot niya na si JM de Guzman.

Sa naging launching ni Tera, nakasama rin niya itong mag-perform. Si JM daw kasi, bilib siya sa talent nito at napanood din niya ang karamihan sa naging movie at serye nito.

(ROSE GARCIA)