Sa rami ng pinagdaanan, naging matatag ang relasyon: RONNIE, ‘di naniniwala sa 7-year itch na kontra sa sinabi ni LOISA

HINDI naniniwala si Ronnie Alonte sa kasabihang 7-year itch, kontra sa sinabi ng gf niyang si Loisa Andalio.

Sabi ni Ronnie, sa rami ng mga pagsubok na pinagdaanan ng tandem nila ni Loisa, feeling niya ay matinding patunay ang pagiging solid ng relasyon nila up to now.

Kaya naman nakikinig din sila sa mga pangaral sa kanila ng kanilang co-stars sa ‘Love in 40 Days’ na nasa last two weeks na.

“Alam namin ni Loisa na yung constant communication namin ay mabisang sandata sa mga tsismis na posibleng bumuwag sa aming strong foundation but we won’t allow that to happen,” sabi ni Ronnie.

“Hindi kami nagpapaapekto sa tsismis dahil mas kilala namin ang isa’t-isa. We know our strengths and weaknesses,” dugtong pa ni Ronnie.

Thankful din si Ronnie sa mga co-stars nila like Lotlot de Leon na laging may pangaral sa kanila ni Loisa para tumibay pa ang kanilang pagsasama.

Nagpapasalamat din si Ronnie sa ABS-CBN management dahil sa tiwala na gawin silang bida ni Loisa sa ‘Love in 40 Days’.

***

NANINIWALA si Loisa Andalio sa tinatawag na seven-year itch pero may tiwala naman siya na matatag ang relasyon nila ng bf na si Ronnie Alonte.

“Kahit naniniwala ako dahil may mga relasyon na nalusaw after 7 years, kampante naman ako na solid ang relasyon namin ni Ronnie,” pahayag ng dalaga.

Marami na raw pagsubok na dinaanan ang relasyon nila pero nanatili silang matatag at nakakapit sa isa’t-isa.

Isang bagay daw na pinagkasunduan nila ni Ronnie ay pag-usapan ang anumang conflict sa pagitan nila.

“Hindi naman maiwasan na kung minsan may misunderstanding kami pero di namin ito pinatatagal. Nag-uusap agad kami para ayusin ang anumang bagay na may kinalaman sa relasyon namin,” dugtong pa ni Loisa.

Very thankful nga si Loisa na pinagsama sila ng ABS-CBN sa ‘Love st 40 Days’. Nakatulong daw ang lock in taping para mas tumibay pa ang kanilang relasyon ni Ronnie.

“Mas maganda sng trabaho namin sa lock-in tapong dahil focused kami sa trabaho. In character kami all throughout the taping kasi contained kami in one place, walang umuuwi,” say pa ni Loisa.

(RICKY CALDERON)