PEKENG OPTOMETRIST, INARESTO NG NBI

INARESTO ng National Bureau of Investigation (NBI) ang isang pekeng Optometrist sa Iriga City

Ang pagkakaaresto kay Josephine Nazarrea y Balang ay bunsod sa reklamo ng  Integrated Philippine Association of Optometrists, Inc. (IPAO)-Camarines Sur dahil sa pagpa-practice nito ng Optometry sa  N. Balang Sagara Optical Clinic sa  New Iriga City Public Market.

Lumalabas din na wala ang pangalan ni Nazarrea sa database ng registered o lisensyadong Optometrist.

Nauna dito, isang poseur client ang nagpanggap na magpakonsulta ng kanyang mata at nakalipas ng ilang minuto ay niresetahan siya ng isang salamin na na nagkakahalaga ng P3,500 at sa puntong tinatanggap ng suspek ang bayad ay inaresto ito.

Narekober din sa suspek ang isang set ng Trial Case na may incomplete lenses ; sampung Diopter), isang piraso ng Trial Frame, isang piraso ng Reading Chart, isang Prescription Paper, isang Nike Brand Plastic frame; isang Snellen Chart.

Si Josephine Nazarrea y Balang ay iniharap sa inquest proceedings sa City Prosecutor’s Office sa Iriga City dahil sa paglabag sa Section 32(f) in relation to Section 5 ng  RA 8050, sa ilalim ng Section 33 of RA (Revised Optometry Law). (Gene Adsuara)