30-M washable facemasks ipapamahagi sa mga nasalanta ng kalamidad – DTI

Siniguro ng Department of Trade and Industry (DTI) na mamimigay sila ng 30 milyong washable face masks para sa mga nasalanta ng bagyong upang maprotektahan ang mga ito mula sa banta ng coronavirus disease.

Ayon kay DTI Sec. Ramon Lopez, sinimulan na nila ang pamimigay ng mga facemasks katuwang ang Office of Civil Defense.

Noong isang araw aniya ay nagtungo sila sa apat na evacuation centers sa Marikina upang mamigay ng mga facemasks dahil karamihan daw sa mga residente ay nabasa na ang ginagamit na facemasks.

Dagdag pa ng kalihim, aabot na ng 1.5 billion facemasks sa buong Pilipinas ang kanilang naipamahagi na.

Patuloy naman ang ginagawang monitoring ng Department of Health sa mga indibidwal na nasa iba’t ibang evacuation centers para tiyakin na nasusunod ang mga umiiral na health protocols.

Ang mga evacuees na makikitaan ng sintomas ay kakailanganing sumailalim sa antigen testing upang hindi na kumalat pa sa iba ang sakit.