Competency o kakayahan, pangunahing criteria sa pagtatalaga bilang Marcos admin officials

WALANG  palakasan at political connections sa pagtatalaga bilang  public managers ng gobyerno.

Sa katunayan, ang pagpili bilang Marcos admin  officials ay base sa  merito at kakayahan na magampanan ang kanilang  government functions.

Sa idinaos na Public Leaders’ Summit (PLS) ng Career Executive Service Board (CESB) noong nakaraang linggo, sinabi ni Executive Secretary Victor Rodriguez na ang mga public managers ay “must enhance their strategic thinking skills, practice foresight, act with agility, behave with integrity, and “unite as one public servant with purpose”.

“The President yearns for a decent future for all Filipinos and nothing less,” ayon pa rin kay Rodriguez sa naging talumpati nito sa Philippine International Convention Center sa Pasay City.

Binigyang diin nito, hindi makakamit at mapagtatagunpayan ng administrasyon ang vision ni Pangulong Ferdinand Marcos Jr. Kung walang  tulong mula sa career executive service officers (CESO).

“You (the CESOs) will set the tone for the outcome of the President’s vision,” aniya pa rin.

Habang ang CESOs aniya ay  nakapag-navigate sa VUCAD (volatility, uncertainty, complexity, ambiguity, and diversity) world, sinabi ni Rodriguez na  “there are certain attributes and skills that public managers must still develop to thrive in the present context.”

Tinalakay sa  two-day summit “Leading Change: Focus on the Core” ang CESO functions para sa  good governance at maging ang kanilang “competencies, mindsets, and values,” na kailangan para i-navigate ang daan ng  public service.

“The career executive service community must use the present political transition to emerge not just to a new, but to a better normal. This is done by harnessing the innovative spirit of the civil service,” ayon kay Civil Service Commission Chairperson Karlo Alexei Nograles sa kanyang naging talumpati. (BISHOP JESUS “JEMBA” M. BASCO)