Sa kanilang resort lang magbabakasyon after ng serye: GABBY, excited na isiniwalat na may tatlong familiar faces ang aabangan sa ‘First Lady’

KUNG ang netizens at followers ng romantic-drama series na First Lady, ay nakikiusap na sana’y hindi muna matapos ang seryeng pinagbibidahan nina Gabby Concepcion at Sanya Lopez.

Si Gabby bilang President Glenn Acosta at si Sanya naman si First Lady Melody, ay nakakaramdam na ng “sepanx” o separation anxiety, dahil ilang gabi na lamang ay finale episode (July 1) na nila.

“Pero mas excited akong i-share sa inyo na mas kaabang-abang ang mga mangyayari, lalo’t may three familiar faces na maggi-guest,” pahayag ni Gabby sa ‘Chika Minute’. “Natuwa at na-excite kami nang makita naming nagti-taping na sila.”

Wala raw balak umalis ng bansa si Gabby para magbakasyon, pagkatapos ng First Lady.

“Magbabakasyon lamang ako, kasama ko ang family ko sa aming Amang Lobo Homestead sa Lobo, Batangas. For almost three years na na naka-lock-in taping kami sa La Union, sa Rizal, at sa Manila Hotel, doon lamang umiikot ang buhay namin, pero doon naman nabuo ang magandang friendship naming lahat.

“Para kaming isang big family na nagkakasayahan. Kaya pagkatapos ng mga last scenes namin, it’s time naman to breathe,to rejuvenate;”

Nagsimula ang First Yaya early 2021, at ang second season na First Lady naman noong January 20, 2022 sa same locations ng First Lady, kasama ang original cast na nadagdagan lamang nina Isabel Rivas, Samantha Lopez, Francine Prieto, Rocco Nacino and Alice Dixson.

Napapanood ito gabi-gabi sa GMA-7, sa direksyon ni LA Madridejos.

***

TIYAK na malulungkot ang mga fans nina Derrick Monasterio at Bea Binene, ngayong may bago nang ka-loveteam ang hunk actor.

Another Sparkle GMA Artist Center artist na si Elle Villanueva, na magiging ka-loveteam ni Derrick sa bagong GMA Afternoon Prime series na Return To Paradise.

Makakasama ang season actress na si Eula Valdes, na balik-Kapuso Network, at malamang pumalit ang serye nila sa malapit nang magtapos na dramatic serye nina Shayne Sava at Abdul Raman, with Valerie Concepcion and Ms. Ai Ai delas Alas, ang “Raising Mamay.”

Unang ipinakilala sina Derrick at Elle during the MEGA Ball 2022, held at the Manila Marriott Hotel in Pasay City last Sunday, Independence Day.

The Return to Paradise stars looked absolutely hot in their all-black ensemble, which perfectly fit the events theme of Glam Rock.

***

FATHER’S Day sa Sunday, June 19, at tamang-tamang ipi-feature ng Magpakailanman ang life story ni Dagul na siya mismo ang gaganap at makakasama niya si Jo Berry na gaganap bilang anak na si Jkhriez Pastrana, na isang vlogger on Facebook.

Kamakailan ay nai-feature sa 24 Oras ang paghihirap ng buhay ng pamilya ni Dagul dahil nawalan siya ng trabaho dahil sa pandemic na pinagdaraanan ng bansa ngayon.

Kaya labis-labis ang pasasalamat ni Dagul nang tawagan siya para i-feature ang kanyang life-story sa drama anthology na Magpakailanman hosted by Ms. Mel Tiangco.

Don’t miss Father’s Day episode ng MPK this Saturday after Jose & Maria’s Bonggang Villa sa GMA-7.

(NORA V. CALDERON)