British tennis star Emma Raducanu bigo sa 2nd round ng French Open
- Published on May 27, 2022
- by @peoplesbalita
NATAPOS na ang kampanya sa French Open si US Open Champion Emma Raducanu.
Ito ay matapos na talunin siya ni Aliaksandra Sasnovich ng Belarus 3-6, 6-1, 6-1 sa ikalawang round.
Ito ang unang beses na paglalaro ng British 12th seed at ang pangalawang pagkatalo niya kay 47th ranked na si Sasnovich sa Indian Wells noong 2021.
Sinabi ng 28-anyos na si Sasnovich na hindi niya akalain na mananalo pa siya sa mga susunod na set matapos ang pagkatalo sa unang set.
Susunod na makakaharap ni Sasnovich ang sinumang magwagi sa pagitan nina Angelique Kerber ng Germany at French wildcard Elsa Jacquemot.