Wala namang masama kung aminin na nila: Relasyon nina MILES at ELIJAH, naging official sa Instagram

NAGING Instagram official pala na ang relasyon nina Miles Ocampo at Elijah Canlas.

Pinost ni Miles sa kanyang Instagram account ang ilang photos sa kanyang mga naging birthday celebration noong nakaraang May 1. Sa pinakahuling photo na black and white, may kayakap siyang lalake. Yun ay walang iba kundi si Elijah.

Sa IG naman ni Elijah ay may pinost siyang TikTok video nila ni Miles at may caption na: “Happy birthday to my favorite person in the world! Here’s to more adventures and memories.”

Sa isang post ni Elijah, nag-comment si Miles ng, “Hi crush!”

Wala namang masama kung aminin na ng dalawa ang kanilang relasyon. Mas matanda nga lang si Miles kay Elijah ng apat na taon. 25 na si Miles samantalang 21 naman si Elijah.

Unang nagkasama sa music video ng “Sandali Lang” ng Over October sina Miles at Elijah. May followers sila na umaasang magkasama sila sa isang drama series.

Kasalukuyang nasa series na Love Vs. Stars si Miles habang may Gameboys 2 naman si Elijah.

(RUEL J. MENDOZA)