PDu30, muling nanawagan sa publiko na huwag iboto ang mga old-timers sa Senado

MULING nanawagan si Pangulong Rodrigo Roa Duterte sa mga botante na alisin na ang mga  old-timers sa Senado na wala namang ginawa habang nanunungkulan.

“Marami diyan sa senado, matagal na, wala na namang ginagawa. From time to time, kunwari may issue magsalita. ‘Yan ang ayaw ko diyan sa mga senador ngayon. Hindi lahat, pero ‘yung iba matagal na, palitan na ninyo,” ayon Kay Pangulong Duterte sa

idinaos na Partido Demokratiko Pilipino – Lakas ng Bayan (PDP-Laban) campaign rally sa Caloocan City.

Pinaalalahanan niya ang mga botante na pumili ng karapat-dapat na  political bets na mayroong “puso” sa pagsisilbi sa bayan.

Marami kasing mga kandidato na nakalimutan na ang mga tao kapag nahalal na.

“Kung gusto mo lang ng ambition, manalo ka, poporma-porma but you do nothing for the six or three years that you are elected. Marami diyan sa kanila. Why don’t you just pick people na nakilala na o pinakilala sa inyo,” aniya pa rin

Sinabi pa ng Pangulo na ang kandidato na kanyang ie-endorso ay kailangan na taglay ang kalidad bilang karapat-dapat na maupo sa puwesto.

“Hindi ako kukuha ng kandidato na corrupt o kandidato na masama ang ugali o hambog. All of them are really subdued and humble,” dagdag na pahayag ng Pangulo. (Daris Jose)