China, nag-donate ng $200,000 sa Agaton relief operations

NAG-DONATE ang China ng $200,000, o P10.2 million, sa Pilipinas bilang suporta sa Tropical Storm Agaton relief operations ng bansa.

“Our hearts go out to all the Filipino families who were devastated by TropicalSstorm Agaton,” ayon kay Ambassador Huang Xilian sa Facebook.

“Chinese President Xi Jinping, State Councilor and Foreign Minister Wang Yi sent respectively messages of sympathy and solidarity to President [Rodrigo] Duterte and Foreign Secretary [Teodoro] Locsin today,” anito.

Idinagdag pa ng envoy na umaasa ang Chinese government na makakayanan ng mga apektadong pamilya na malampasan ang paghihirap at muling maitayo ang kanilang tirahan sa lalong madaling panahon.

Nauna rito, iniulat ng National Disaster Risk Reduction and Management Council (NDRRMC) na nananatiling pumalo sa 172 “as of Monday morning” ang namatay dahil kay “Agaton”.

Sinasabing 156 ang namatay mula sa Eastern Visayas, 11 mula sa Western Visayas, tatlo mula sa Davao, at dalawa mula sa Central Visayas.

Nananatili naman sa 110 ang bilang ng mga nawawalang indibidwal.

Samantala, tiniyak naman ng mga awtoridad na nagpapatuloy ang search and rescue operations kasabay nang pagpapahayag na umaasa sila na mas maraming survivors ang maililigtas. (BISHOP JESUS “JEMBA” M. BASCO)