Dedma na sa gustong mang-intriga sa kanilang pagsasama: MARIAN, ipinagtapat na si DINGDONG talaga ang pinakasagot sa mga dasal niya

SA YouTube vlog ni Celeste Tuviera, ipinagtapat ni Kapuso Primetime Queen Marian Rivera, na ang asawang si Dingdong Dantes, ang talagang sagot ng Diyos sa kanyang mga dasal.

   “Isa ito sa ipinagdasal ko kay Lord, sabi ko, ‘Lord gusto kong magkaroon ng asawa, isang responsible, na bibigyan ako ng anak at simpleng buhay,” pahayag ni Marian.

“Basta masaya at buo.  Kasi, coming from a broken family, isa ‘yan sa mga wish ko talaga. At ipinanalangin ko nang taimtim. Gusto kong magkaroon ng buong pamilya, at ibinigay Niya ‘yon.

“Si Dong talaga ang pinakasagot sa mga prayers ko, at maraming signs na ibinigay sa akin, si Dong talaga ang nandiyan.”

    Kaya naman ang mag-asawa, dedma raw sila kahit na may gustong mang-intriga sa pagsasama nila dahil mas malakas ang hangarin ni Marian na mabigyan ng buong pamilya ang sarili at dalawang anak nila, plus talaga namang habang tumatagal, mas lalo pang love nila ni Dong ang isa’t isa.

***

MARAMING nakapansin sa photo na lumabas ni Asia’s Limitless Star Julie Anne San Jose, habang nasa NAIA siya, mag-isa lamang nakaupo, katabi ang baggage niya habang naghihintay ng flight nila for Dubai, UAE.  Para ito sa live concert nila sa Expo 2020 Dubai, na kasama niya sina new Kapuso actor Xian Lim at The Clash Champion 2021 Jessica Villarubin.

May mga nagtanong na netizens kung malungkot daw si Julie Anne dahil hindi nila kasama ang rumored boyfriend niyang si Kapuso actor Rayver Cruz.

     Bale ito ang first show ni Julie Anne abroad after two years na hindi pwedeng mag-show dahil sa Covid-19 pandemic.

Titled “Stronger Together: GMAPinoy TV @ Expo 2020 Dubai concert na gaganapin ngayong gabi, March 30 sa The Dubai Millennium Amphitheater, Dubai Expo Grounds.

     Bukod sa world-class performances ng mga Kapuso stars, makaka-collaborate din nila ang ilang Pinoy performing groups doon.  Sponsored naman ng Filipino fashion designer na si Ryan Pacioles of atelier Zuhra ang mga kasuotan nina Julie, Jessica at Xian!

     Para sa mga Pinoy dito sa Pilipinas o sa ibang panig ng mundo, mapapanood din ito via livestream sa GMA Pinoy TV @ Expo 2020 Dubai Facebook.

(NORA V. CALDERON)