Hipon Girl, ire-repackage ni Wilbert para gawing ‘beauty queen’

BUKOD kay Daisy Lopez a.k.a. Madam Inutz, pasok na rin si Herlene ‘Hipon Girl’ Budol sa lumalaking pamilya ng businessman/vlogger/internet personality na si KaFreshness Wilbert Tolentino.

Pumirma na si Hipon Girl, kaya si Wilbert na ang kanyang official business manager, following the footsteps of the popular online seller and PBB housemate Madam Inutz na talagang ginagastusan at binibigyan ng todo-effort ni KaFreshness.

Nakatanggap pa si Madam Inutz ng house and lot na worth P5M. Naging certified singer din ito dahil nagkasunod-sunod ang release ng kanyang singles na ‘Inutil’ (na naging most requested song sa leading FM stations), ‘Sangkap ng Pasko’, ‘Marites’ at ang latest na ‘Madam’.

Sa naging tagumpay ni Madam Inutz, malamang ito rin ang mangyayari kay Hipon Girl sa pangangalaga ni Wilbert, na sa totoo lang marami ang gustong magpa-manage lalo na ng mga internet personalities.

Kaya naman excited na rin si Hipon Girl sa mga mangyayari sa kanyang career dahil marami ng nakaplanong proyekto.

Ire-repackage din ang TV host/comedian ng bagong manager para maging isang beauty queen.

Kaya naman approve sa netizens dahil alam nilang nasa mabuti itong mga kamay.

May panawagan si KaFreshness Wilbert sa mga talent coordinators at agents na since never naman siya kumukuha ng commission sa talents niya tulad ng ibang managers.

Kaya pwedeng-pwede silang mag-book at magbigay ng product endorsements kina Madam Inutz at Hipon Girl, dahil 10 to 20% comission ang pwedeng makuha.

Kaya sa mga agents and talent coordinators na gusto ng additional income, pwedeng mag-text sa 09175468845 para mabigyan ng email address kung saan sila pwede mag-send ng proposal.

(ROHN ROMULO)