Malakanyang, no comment pa kung dadalo si Pangulong Duterte sa proclamation rally ni Mayor Sarah Duterte- Carpio

SINABI ni acting Presidential spokesperson at Cabinet Secretary Karlo Nograles na aalamin muna niya ang mga nakalinyang aktibidad ni Pangulong Rodrigo Roa Duterte ngayong, Pebrero 8.

Ito’y upang malaman kung kasama ba sa itinerary ng Chief Executive ang pagdalo para sa proclamation rally ng anak niyang si Davao city Mayor Sarah Duterte – Carpio.

Sinabi Nograles, titingnan muna niya sa appointment’s office ang nakalinyang aktibidad ng Punong Ehekutibo bukas at mula duon ay madetermina kung sasaksihan ng Pangulo ang opisyal na pagkandidato ng alkalde.

“We’ll have to ask the Appointment’s Office with regard to that,” ayon kay Nograles.

Si Mayor Sarah ay matatandaang inadopt ng PDP-Laban Cusi wing bilang vice presidential candidate na siya ring partido ng Pangulo.

Gagawin ang proclamation rally ng Bongbong- Sarah tandem sa Philippine Arena sa Bocaue, Bulacan bukas na siya ding opisyal na pangangampanya para sa mga tumatakbo sa national post. (Daris Jose)