Mga estudyanteng babakunahan sa panahon ng school days, excused mula sa pagdalo sa klase— DepEd

EXCUSED ang mga kabataang mag-aaral mula sa pagdalo sa klase na magpapartisipa sa coronavirus disease (COVID-19) vaccination drive.

Tinukoy ng Department of Education (DepEd) ang mga kabataang mag-aaral na may edad 5 hanggang 11 na makikiisa sa nasabing vaccination drive.

Sinabi ni DepEd Bureau of Learner Support Services School Health Division Chief Dr. Maria Corazon C. Dumlao na ang hakbang na ito ay bahagi ng inisyatiba ng ahensiya para suportahan ang  pediatric vaccination ng pamahalaan para sa younger group na magsisimula ngayong araw, Pebrero 7.

Aniya pa, ang “learners vaccinated during school days shall be excused from attending classes as part of the miscellaneous provisions.”

Samantala, nilinaw naman ni Dumlao na ang mga magulang o guradian ng mga DepEd learners na isang empleyado na sasamahan ang kanilang mga anak sa  pediatric vaccination  sa workdays ay “shall not be considered absent from their work.” (Daris Jose)