Face-to-face college classes simula na sa Enero 31

GAYA nang pinlano, nakatakdang magsimula ang limited face-to-face classes para sa higher education institutions (HEIs) sa mga lugar na nasa ilalim ng Alert Level 3 sa Pilipinas sa Enero 31.

“The date of the phase 2 of the implementation of limited face-to-face classes for all programs of HEIs in areas under Alert Level 3 should begin on 31 January 2022 (Monday),” ayon sa advisory ng CHED.

Sa phase 2, tinukoy ng CHED ang plano nito “as early as November 2021” na ang face-to-face classes sa HEIs ay itutuloy sa Alert Level 3 areas. Ang face-to-face classes sa mga lugar na mayroong mababang alert levels ay nagsimula na noong Disyembre 2021, kung saan ito’y phase 1 ng reopening plan ng CHED.

Ang muling pagbubukas ng klase ay hindi sapilitan sa mga kolehiyo at unibersidad. Maaaring ipagpatuloy ng school administrators ang kanilang  online classes  kung sa tingin ng mga ito ay mas makabubuti para sa kanilang mga estudyante.

“If they wish to hold face-to-face classes, schools must first comply with standards set by CHED for safe classes. For Alert Level 3 areas, HEIs must only allow a maximum of 30% indoor venue capacity, and 50% outdoor capacity for fully vaccinated individuals only. Unvaccinated students cannot join,” ayon sa CHED.

Gayunman, ang guidelines ay ginawa ng gobyerno ng Pilipinas bago pa manalasa ang nakahahawang Omicron variant sa bansa.

Noong panahon na iyon, ang gobyerno ay nahaharap lamang sa Delta variant ng virus. Ang Omicron ay “three to five times more infectious” kumpara sa Delta.

Samantala, hanggang sa ngayon ay hindi pa rin naipalalabas ng CHED ang listahan ng mga eskuwelahan na nag-apply para sa reopening sa Alert Level 3 areas.