MGA HEALTH WORKERS MAY KARAPATANG MAMILI NG BRAND NG BAKUNA

PINAHIHINTULUTAN ang mga healthcare workers na pumili ng brand ng bakuna para sa booster shots  depende sa availability nito.

Ayon ito sa National Vaccination Operations Center (NVOC) ngayong Miyerkules.

Sa memorandum, ang mga indibidwal na nakategorya bilang Priority Group A1: Essential Workers in Frontline Health Services (A1.1 hanggang A1.7) ay karapat-dapat na mabigyan ng isang COVID-19 booster dose, alinman sa homologous o heterologous dose.

Paliwanag ng NVOC, ang homologous booster dose ay nangangahulugan na ang isang indibidwal ay babakunahan ng kaparehong brand ng bakuna na ginamit sa kanilang unang vaccination  habang ang heterologous booster dose ay babakunahan ng ibang brand ang isang indibidwal.

Sa ilalim ng nasabing memorandum, sinabi ng NVOC na ang mga Pilipino na nabakunahan ng Pfizer Moderna, Sinovac, Gamaleya at AstraZeneca sa  serye ng kanilang primary doses  ay kailangang maghintay ng anim na buwan bago muling makakuha ng booster shot.

Samantala, ang mga nabakunahan naman ng Janssen COVID-19 vaccine para sa primary dose  ay maghihintay naman ng  tatlong buwan.

Inirekomenda ng NVOC  ang mga sumususnod na brand para sa heterologous.

Sinovac (primary series) — AstraZeneca, Pfizer, Moderna (booster)
AstraZeneca (primary series) — Pfizer, Moderna (booster)
Gamaleya Sputnik V (primary series) — Pfizer, AstraZeneca, Moderna (booster)
Janssen (primary series) — AstraZeneca, Pfizer, Moderna (booster)
Pfizer (primary series) — AstraZeneca, Moderna (booster)
Moderna (primary series) — AstraZeneca, Pfizer (booster)

Ang mga indibidwal na nabakunahan ng AstraZeneca ay pinapayuhan na tumanggap ng booster shots gamit ang ibang brand dahil sa posibilidad ng pre-existing immunityattenuating o humina ang immune response sa ikalawa o ikatlong dose.

Samantala, sinabi ng NVOC na ang homologous booster dose para sa Sputnik at Janssen vaccines ay hindi pa ipatutupad .

Sa kasalukuyan, tanging ang Sinovac pa lamang ang inirerekomenda bilang homologous booster dose.

Ayon sa DOH, isang booster dose lamang ang ibibigay sa kada indibidwal.

Kailangan lamang na iprisinta ang orihinal na vaccination cards ang isnag indibidwal na tatanggap ng booster doses bilang patunay na sila ay bakunado na at nakakumpleto na ng doses pati valid indentification card.

Ang vaccination team naman ay dapat tiyakin na ang tatanggap ng bakuna ay alam ang benepisyo, panganib at posibleng epekto ng bawat boosting strategy bago sila bigyan ng opsyong pumili. GENE ADSUARA