FILIPINONG PARI, ITINALAGANG MIEMBRO NG PONTIFICIAL ACADEMY

ITINALAGA ni Pope Francis ang Filipino Dominican na si Fr.Albino Barrera , isang theologian at economist bilang miyembro ng  Pontifical Academy of Social Sciences.

Nakabase sa United States ang 65 taong gulang na pari  na moral theologian at professor ng economics at theology sa Providence College sa Rhode Island.

Ayon sa Catholic Bishoos Conference of the Philippines (CBCP), inanunsyo ng Vatican ang pagkakatalaga ni Fr.Barrera nitong Martes, September 14.

Itinatag ni Pope John Paul II noong 1994, nilalayon ng Pontifical Academy of Social Science na pag-aralan at talakayin ang pag-usad ng mga agham panlipunan, pangunahin sa ekonomiya, sociology, law at political science.

“The Academy helps offer the Church those elements which she can use in the development of her social doctrine, and reflects on the application of that doctrine in contemporary society,” ayon sa Vatican News.

.

Si Fr.Barrera ay ipinanganak sa Manila at naordenahan bilang pari para sa  Dominican Order noong 1993.

Nag-aral ng engineering sa De La Salle University sa Manila at nakakuha ng doctorate sa economics mula Yale University noong 1988.

Nang maglaon ay nakakuha ang pari ng degree sa sagradong teolohiya mula sa Pontifical Faculty of the Immaculate Conception sa Washington, D.C., noong 1994.

.

Si Fr. Barrera ay may-akda rin ng maraming mga pahayagan sa larangan ng moral theology, economic ethics, development at international trade.

Noong 2013, ang Dominican Province of St. Joseph ipinagkaloob sa kanya ang degree ng Master of Sacred Theology para sa kanyang “outstanding contribution to the theological sciences”. (GENE ADSUARA)