Gawilan bigo sa medalya

Isinara ni national para swimmer Ernie Gawilan ang kanyang kampanya sa Tokyo Paralympic Games na walang nakamit na medalya.

Pumuwesto si Gawilan sa ikaanim sa heat 2 ng men’s 100-meter backstroke S7 sa inilista niyang 1:21.60 at minalas na makapasok sa finals kahapon sa Tokyo Aquatics Center.

Bigo rin siyang makaabante sa finals ng men’s 200-meter individual medley habang nakalangoy siya sa finals ng men’s 400-meter freestyle at tumapos sa sa ikaanim

“Medyo nahirapan si Ernie sa 400-meter freestyle yesterday (Linggo). He was three seconds off his personal best in the backstroke,” sabi ni swimming coach Tony Ong sa tubong Davao City.

Minalas ding makaabante sa finals si Gary Bejino nang pumang-pito sa heat 1 sa kanyang itinalang 36.14 segundo at ika-14 sa kabuuang 16 swimmers sa men’s 50m butterfly S6 classification.

“I believe that Gary’s time of 36.14 seconds is his personal best if I am not mistaken,” ani Ong. “Nagbago kami ng stroke because of the new rule in the butterfly event.

Lalangoy pa siya sa men’s 400m freestyle S6 sa Huwebes at sa men’s 100m backstroke S6 sa Biyernes.