Ilang miyembro ng Paralympic team positibo sa COVID-19

Bagama’t may nagpositibo sa coronavirus disease (COVID-19) ay natuloy pa rin ang biyahe ng limang national para athletes kahapon para lumahok sa Paralympic Games sa Tokyo, Japan.

Sinabi kahapon ni Phi­lippine Paralympic Committee (PPC) president Mike Barredo na isang para athlete at ilang opisyales at coaches ang COVID-19 positive. Hindi binanggit ni Barredo ang pangalan ng nasabing para athlete.

“It is unfortunate for us to inform the public that some officials, coaches and a para athlete of our Philippine delegation bound for Tokyo to participate in the 2020 Paralympic Games have tested positive for COVID-19,” ani Barredo sa isang statement.

Sina swimmers Ernie Gawilan at Gary Bejino, taek­wondo jin Allain Ganapin, wheelchair racer Jerrold Mangliwan, discus thrower Jeanette Aceveda at po­werlifter Achele Guion ang bumubuo sa Team Philippines.

Bilang pagsunod sa health and safety protocols ay hindi na nakasama sa biyahe ng delegasyon kahapon ang nasabing mga COVID-19 positive.