P13B, gagastusin ng gobyerno para pondohan ang ayuda sa MM residents ngayong ECQ

SINABI ng Malakanyang na gagastos ang pamahalaan ng P13 bilyong piso para pondohan ang cash grants para sa mga low income Metro Manila residents bunsod ng nalalapit na two-week Enhanced Community Quarantine (ECQ) na magsisimula sa Agosto 6.

Sinabi ni Presidential Spokesperson Harry Roque Jr. na ang pondo ay huhugutin mula sa savings o ipon ng mga ahensiya ng pamahalaan alinsunod sa Administrative Order 41 na ipinalabas ni Pangulong Rodrigo Roa Duterte noong Mayo at koleksyon mula sa Bureau of Treasury.

“This is for 10.7 million residents worth P13.1 billion. That is the worth of the financial assitance that will be distributed,” ayon kay Sec. Roque.

Nauna rito, binanggit ni Sec. Roque na ang COVID-19 cases sa Metro Manila ay tumaas ng 65% kumpara noong nakaraang linggo sa gitna ng paglitaw ng maas maraming nakahahawang Delta variant, dahilan upang kailangain na ipatupad ang ECQ.

“We will not impose it if it is not needed,” dagdag na pahayag ni Sec. Roque. (Daris Jose)