KASO NG COVID SA PGH, TUMATAAS

PATULOY  ang pagtaas ng kaso ng COVID-19 sa Philippine General Hospital mula nitong nakaraang linggo.

Ayon ito kay PGH Spokesperson Dr Jonas del Rosario, kung saan hanggang kahapon, Linggo ay umabot sa  143 ang  COVID-19  pasyente na naadmit mula sa 250 beds.

‘ Ang naitala po namin kahapon , ito po yung biggest so far 143  na considering natapos na yung surge  nung March pero  ito na po parang paakyat po siya, actually 2 days ago 125 lang eh…[tas] kahapon 143 na, so talagang consistent po na talagang umaakyat ang ating admissions.’

Sinabi ni del Rosario na sa loob ng sampung araw ay patuloy ang pagtaas ng admission.

Ayon pa sa tagapagsalita ng PGH, na karamihan sa mga healthcare workers ay fully vaccinated na ay mild at moderate at na-admit rin sa ospital .

Pinapalagay  aniya na ang mga kaso ay  Delta variants.

‘Para di mahawa  ang healthcare workers at makahawa  sila, tinaasan po ang level ng personal protective equipment para  mas protektado sila.’ pahayag ni del Rosario. (Bishop Jesus “Jemba” M. Basco)