Jawo, 9 iba pa iluluklok sa Philippines Sports Hall of Fame

Pamumunuan ni ‘Living Legend’ Robert Jaworski ang siyam pang sports heroes ng bansa sa pormal na pagluluklok sa kanila sa Philippine Sports Hall of Fame (PSHOF) sa Linggo sa isang digital ceremony.

Kasama rin sa fourth batch ng mga inductees sina football great Paulino Alcantara, swimmer Eric Buhain, track and field star Elma Muros-Posadas at 1988 Olympic gold medalist Arianne Cerdena ng bowling.

Ang iba pa ay sina Dionisio Calvo (basketball at football coach), Gertrudes Lozada (swimming), Rogelio Onofre (athletics) at Olympic bronze medalist boxers Leopoldo Serantes at Roel Velasco.

Ang PSHOF ay itinatag ng Philippine Sports Commission (PSC) isang dekada na ang nakakalipas sa pangunguna ni chairman William ‘Butch’ Ramirez.

“These heroes and their achievements have become a source of pride and inspiration for us and for the future generation of Filipinos,’’ wika ni Ramirez.

Ang 10 enshrinees ay tatanggap ng P200,000 bawat isa kasama ang PSHOF trophy sa digital awarding ceremony.

Si Ramirez ang chairman ng PSHOF at si Philippine Olympic Committee (POC) president Abraham ‘Bambol’ Tolentino ang vice chairperson.