PSC problemado sa P1.6B unliquidated ng mga NSA

SULIRANIN ng Philippine Sports Commission (PSC) ang lumolobong unliquidated accounts hindi lang mula sa mga national sports association (NSA) kundi sa mga pribadong ahensiya na inayudahan.

Base sa listahan ng PSC Audit Miyerkoles,   nasa P1,678,760,323.02 ang mga unliquidated account sapul pa noong Disyembre 31, 2020.

Nasa tuktok ng listahan ang nangasiwa sa 30th Southeast Asian Games 2019 na Philippine Southeast Asian Games Organizing Committee o PHILSGOC na may hindi pa nali-liquidate na tumataginting na P811,362,476.83.

Bumubuntot ang Philippine Olympic Committee (POC) na mayroong P535,413,056.16 habang nasa 40 NSAs ang may P166,989,232.33 na hindi pa rin naaregoglong nakuha sa government sports agency.

Kinakalampag na rin ng PSC ang 14 judoka at tatlong coach na kumuha ng P1,900,980, ang triathlon ni Tomas Carrasco Jr. na may P460,926 at Tagaytay City Government na mayroong P3,351,250 kasama ang DBM Procurement Service na nagkakahalaga ng P159,282,412.30. (REC)