Arevalo nagkampeon sa US, binulsa P145K

PASIKLAB si sophomore pro Abegail ‘Abby’ Arevalo ng six-under par 66 para sa 17-under 199 at sungkitin ang ang unang titulo sa katitiklop na 3rd The Cactus Tour 2021 Stallion Mountain Championship sa Las Vegas, Nevada, United States.

May kalakip ang wire-to-wire win ng 2020 Philippine Ladies Amateur Open champion, San Jose State University psychology graduate at tubong Parañaque City, na $3K (P145K),  may bentahe siyang 11 palo kina Corinne Viden ng Sweden (68-210) at hometown bet amateur player Morgan Goldstein (70-210).

Ang 21 taong-gulang na si Arevalo ang ikatlong Pinay shotmaker na nagbida sa US soil pagkatapos ni Pauline del Rosario at Yuka Saso.

Namayaagpag si Del Rosario sa 3rd Women’s All-Pro Tour 2021 5th leg WLN Central Arkansas Open sa Conway, Arkansas noong Mayo 12-14 na may kalakip na $8K (P387K)

Nagreyna naman si  Saso sa 72nd Ladies Professional Golf Association Tour 2021 13th leg 76th U.S. Women’s Open Golf Championship sa San Francisco, California noong Hunyo 3-6 na may gntimpalang $1M o P48M. (REC)