Proyekto at programa ng Duterte adminstration, kailangan na may continuity

KAILANGAN ang “continuity” sa mga nasimulang proyekto at programa ni Pangulong Rodrigo Roa Duterte.

Ito ang dahilan ibinigay ng mayorya ng mga miyembro ng PDP-Laban na nagnanais na tumakbo ang Pangulo sa pagka-pangalawang pangulo sa 2022 elections.

Sa PDP-Laban meeting, sinabi ni Metropolitan Manila Mayor Benhur Abalos na walang makakapantay kay Pangulong Duterte sa mga proyektong naipatupad nito sa ilalim ng kanyang liderato.

Tinukoy ni Abalos ang infrastructure project at bilib din siya sa peace and order sa Kalakhang Maynila.

Sa kasaysayan din ng PIlipinas ay tanging si Pangulong Duterte lamang ang nagkaroon ng 91% satisfaction rating kabila ng nagtataasang cumulative coronavirus disease (COVID-19) cases ng Pilipinas noong Setyembre 2020.

Dahil dito, malinaw na maraming naniniwala sa kanyang liderato kaya’t kailangan na mayroong continuity ng kanyang mga nasimulang proyekto at pograma.

Bukod dito, malaki rin ang utang na loob ng mga Abalos kay Pangulong Duterte at Senador Bong Go dahil nang mag-iisang taon na at magbi- birthday siya nang siya ay nasa ospital dahil nag-aagaw buhay ang kanyang mga magulang.

“Malaki po ang utang na loob ng pamilya ko sa inyo at kay Senador Bong Go. Nasa likod nyo po kami.. suportado po namin ang liderato ninyo, nasa likod n’yo po kami,” ani Abalos.

Ginarantiya naman ni Cabinet Secretary Karlo Nograles sa Pangulo na walang ibang tatakbo sa kanilang partido sa pagka- pangalawang pangulo.

Ang hinihintay na lamang nila ay ang desisyon ng Pangulo kung tatakbo ito o hindi. (Daris Jose)