Sotto mabilis makaagapay sa sistema ng Gilas

Mabilis na nakaagapay si Kai Sotto sa sistema ng coaching staff na magandang indikasyon para sa Gilas Pilipinas sa kam­panya nito sa FIBA Asia Cup Qualifiers.

Mismong si Gilas Pilipinas assistant coach Jong Uichico na ang nagpatunay na mataas ang basketball knowledge ni Sotto.

Sinabi pa ni Uichico na hindi ito mahirap turuan dahil madali itong makapickup ng mga itinuturo sa kanya.

Pinatunayan ito ni Sotto sa kanyang unang pagsalang na kasama ang Gilas Pilipinas sa training.

Kailangan lamang ng ilang araw pang ensayo para lubos na makasama sa sistema ng Pinoy squad.

“For me, I don’t r­eally find anything hard to learn. I think that’s one of my strengths. I’m a fast learner and fast to adjust. I need just a couple of days to learn all of Coach Tab’s system, plays, and schemes,” ani Sotto.

Nagiging madali ang lahat kay Sotto dahil kasama nito sa training si Gilas coaching staff member Sandy Arespacochaga na dating head coach ng Gilas Youth.

“It’s been easier since Coach Sandy has been on my side in the practices, helping me and telling me what I should or should not do. It’s been really good,” dagdag ni Sotto.

Bantay-sarado rin ang kundisyon ng katawan ni Sotto upang mas lalo pa itong lumakas sa loob ng court.

Masaya si Sotto na makasama nito ang Gilas Pilipinas na itinuturing nitong bagong pamilya. Kaya naman hindi na­ging mahirap ang adjustment para sa Pinoy cager.