ISKO, TATAKBO SA ELEKSIYON

NAGPAHAGING si  Manila Mayor Isko Moreno Domagoso na tatakbo siya sa darating na 2022 election.

Gayunman, hindi naman binanggit ng alkalde kung anong posisyon ang kanyang lalahukan sa halalan.

Sa kanyang pahayag, sinabi ng alkalde na abala pa ito sa pagka-mayor sa Maynila at may obligasyon pa sa mga Manilenyo.

Nais din muna niyang mag-focus at saka lamang ito magdedesisyon.

Magiging tapat din aniya siya sa mga taga Maynila at siya ay magpapaalam kung anu man ang kanyang mapagpasyahan

Sinabi rin ng alkalde na bagamat natutuwa siya at “honored”  na siya ay nababanggit na isa sa pinagpipiliang maging susunod na presidente ng Pilipinas ..siya pa rin ang magdedesisyon sa huli.

Si Domagoso ay kasalukuyang Vice Chairman ng NUP o National Unity Party.  (GENE ADSUARA)